Pages

السبت، 28 يناير 2012

الجيل اللي جاي

 

 
اتنين ومـــش شايفيــن
في البلــــد
غيرهــــم

نهبوا قوتنا وقـوت عيالنا
وقلنـــا كــتــر
خيــــرهــــم

باعوا ارضنـا وعرضنـــــا
كان مخطط
سيرهـــــم

طاحوا فـــــي البلـــــــد = من شرقها لغربهـــــا
غــــــــربوا ولادهــــــا = ووطنــــــوا غُربهـــــــــا
جففـــــــــوا نيلهـــــا .... كففـــــــــوا عينهـــــا
بــــــــــوروا ارضهـــــا

وجاي يقولي ابنـــــي بيتك يابن بلـــــــدي
ابني بيتــــي فــــــــــــي ارض صحـــــــرا
ولا ابنـــــــــــــــي فيهــــــا قبـــــــــــــري

طب دخلولي فيها حتى نقطتين ميــــــة
ومكـــــــان ماتجــــري
هاجيب عزالي واحط
مش ابني فيهــــا بـدال السنة ميــــــة
وانتوا كل يوم ويــوم
من شــط لشـــــط


مانا بردو ابن البلد
انا بردو ابــــــن البلـــــد = وجدي كــان مينــا
انا احمس اللي اتولــــد = على حـروب سينـا

انا اللي دمـي ســــال = يــــــــروي مزارعهـــا
ولما زرعـــــــي مــــال = روحنــــــــا لزارعهــــا

لقينا عقــــــد البيـــــع = ممضــــي ومتشــــال
الاب كــــــــان بيبيــــع = والشاري ابنه جمــــال

مش عارف اوصف ايه = ولا عارف احكــي ياناس
الباشا وابنــه البيــــه = بيقسموهــــا انصــــاص

والشعب دا مسكيــن = ويامـــــا منهـــــم شاف
وادي السنة التلاتيــن = مش لاقــي لقمة حـاف

دا الصبح كان بيشقشق = مانشوف لنوره ضي
والظلم كــان متعتــــــق = وسكوتنا زاده غـــي

عايزينا تانـــي يسكــــت ؟
طب والجيل اللــــي جي؟

الجيل اللي اتولد على قولة كلمــــــة لاء
الجيل اللي صاح وراح وجاب بأيده الحــق
الجيل اللي غار وثار وشق الميدان شـق
ولوا عنق الظلـم لـــي

احنا الجيل اللي جــــــي
احنا الشمس اللي مدت = على الجميع دفاها
احنا الفجر اللـــي جــــدد =مــــــع الربيع صباها
احنا الحلم اللي مـــــات
واتولد على صوت نداها

احنا كل جيل

احنا الجيل اللي جاب والجيل الل،،،ي ودى
احنا الجيل اللي شال والجيل اللـــــي حط
عايزينا بردو نسكت ؟ نسكت ...بس بشرط

بعد مانمشــي فـــي الشوارع متأمنيـــــن
مش عسكري يضربنــــا ويبهدلنــا كمـــــين
بعد مانبقــــــى فــــي المصانــــع متقدمين
مش قمحنا امريكي والصنع كمان في الصين
بعد ماتبقى البلد لابن البلد
مش ملطشة وذل وجــــلــد
وسباب بالدين

بعد ماتتفتل الحبال ونربط فُتاتنـا
بعد ماتتفطم العيال وتحرك ثُباتنا
لما نشوفها عالية مرفرفة
اعـــــــــلام بلادنــــــــــــا
ومغرقة الميادين

لما المصري ترجعله الكرامة
لانه فعــــلا .....ابـــن الكرام
لما يمشي في اي دولـــــة
ينضــــرب تعظيـــــم ســـلام

عايزينا تاني نسكــــت
ونصــمت ونبطل كلام

ماياما القهر سكتنـــا
وخلى الغربة سكتنا
والكلمة لما جــــــات
جات عشان تنسانـا
ونسيتنا

احنا مش طالبيــن المستحيل
احنا مش عاوزين غير القصاص
غير اننا نــــــــــرد الجميــــــل
للي ماتــــــــــوا بالرصــــــاص

للشباب اللي فــــدانا
واللي حمونا بدمهـــم
والعقاب للـي اذانـــــا
واللي بينهب حقهــم
ايوة هما زعلانيـــــــن
وبصراحـــــة حقهـــم
ماحنا برضو مضيعين
بانقسامنا حلمهـــم


انشغلنا فــي الغنايـــــم
وكل واحد ســاب مكانــه
واتحواطنـــــا بالهزايــــــم
ماللي باعوا واللي خانوا
واللي كانـــوا ضدهــــم

يامصر
يام الجناين خضـــرة
بكرة الزهور هاتفتـح
وبحق
ارض طيبة الحـــــــرة
احمس حصانه بيرمح

وهايطرد من قلعتك
هكسوسك
هايطلع من سنبلك
سوسك
هايوري كـــل الخلــــق
مين اللي شال محنتك
مين اللي كان
هايدوسك 



الشاعر / ربيع حامد

1 comments:

  1. يارب احمي مصر
    يعطيك العافة حبيبي على هالكلمات الروعة

    ردحذف