بالورقة والقلم--لماذا (د/حازم صلاح أبو اسماعيل) هو الأفضل لمصر؟

والصلاة والسلام على سيدنا محمد وعلى آله وصحبه أجمعين

ياريت نقرا الموضوع كله وبتركيز يا أحلى اخوات--لأن صوتنا أمانة ولازم نفكر كويس قبل ما نقرر

أكيد فى ناس بتسأل (ايه سر حب كل الناس دى للدكتور حازم صلاح أبو اسماعيل؟


ليه كل الاستفتاءات اللى اتعملت فى قسم القضايا هنا كان هو دايما الأول--؟؟


ليه هو الوحيد اللى قدر يجمع بين حب وتأييد الاخوان والسلفيين والناس العادية الى مابتنتميش لأى جماعة--وحتى المسيحيين وكتيييير منهم بيستعين بمكتبه للمحاماه
وبيدخل معاه مشاريع؟؟؟

ليه هو الوحيد اللى فرض نفسه بقوة وفى وقت قصير رغم ان برامج كتير
كانت بتحاوره بهجوم وانتقادات وأحيانا بسخرية زى برنامج عمرو أديب وغيره ومع ذلك فرض نفسهوقدر يجمع أكبر عدد من المؤيدين

تعالوا نحسبها بالورقة والقلم

بالورقة والقلم .. لماذا حازم صلاح ابو اسماعيل هو الأفضل لمصر ؟

عايزين رئيس يحافظ على الثورة , ومايخونش دماء الشهداء.
حازم صلاح أبو إسماعيل كان من أوائل الناس اللي دعوا منذ 2008 وحتى يوم 25 يناير 2011 إلى التركيز عى فكرة اعتصام الجماهير في الشارع دون عودة بدل نظام المظاهرات المؤقتة , لإسقاط الأنظمة الديكتاتورية , كما أنه بيعتبر من رموز الثورة ومن فرسان ميدان التحرير اللي قضّوا أيام الثورة كلها هناك, .
حازم صلاح أبو إسماعيل كان من المناضلين ضد النظام السابق , ومن اللي ماخافوش لما خافت كل الناس ,و قالوا كلمة الحق في وجه النظام السابق خاصة أيام حرب غزة , وكلماته كلها منشوة تقدروا تشوفوها ...
حازم صلاح ابو اسماعيل ثائر ,, هايحافظ على إنجازات الثوار.



عايزين رئيس مايقولش شعارات ويدحك علينا بشوية كلام حلو.
حازم صلاح أبو إسماعيل له رؤية واضحة للنهضة بالبلد , وهو من القلائل اللي نازلين انتخابات الرئاسة ببرنامج حقيقي للارتقاء بمصر
في كل المجالات.

برنامج حازم صلاح أبو إسماعيل الانتخابي درسه وطوره على مدار 35 سنة, فيكفيك انك تعرف أنه ظل حوالي 16 عام مع والده, -البرلماني الشهير صلاح أبو إسماعيل - يحضر الاجتماعات اللي كانت بتحصل في بيتهم , واللي كانت بتناقش البرامج المفصلة , وإعداد الرد على البرنامج السنوي للحكومة , ومشروعات الخطة الاقتصادية , والموازنة السنوية , ومشروعات القوانين والمعاهدات الدولية المعروضة للتصديق عليها , كما أنه حضر مئات الساعات في مجلس الشعب في شرفة الضيوف , وده قبل ما يترشح هو شخصيا لانتخابات مجلس الشعب عن دائرة الدقي سنة 1995 , وسنة 2005 , على قائمة الاخوان المسلمين .


حازم صلاح أبو إسماعيل ظل طول 35 سنة يعقد علاقات مع أساتذة في الاقتصاد والزراعة والقانون ويتواصل معهم ويسجل ملاحظاتهم ,ويدرس موازانات الدولة , ويحلل سياسات الحكومة, وكان الكلام ده بالنسبه له هواية شخصية, لغاية ما اكتملت رؤيته , وخرج للمصرين بالبرنامج الانتخابي الأقوى والافضل, وقد لاقت لقائاته استحسان كبير جدا عند الناس, وممكن تسمعله بنفسك وتحكم.



عايزين رئيس سياسي ومثقف ويعرف يدير البلد.
حازم صلاح أبو إسماعيل له دراسات تخصصية مستفيضة في 3 علوم أساسية , هي التربية والإدارة والاقتصاد لمدة 25 سنة.


حازم صلاح أبو إسماعيل كان منذ تخرجه عضو في جمعية الاقتصاد السياسي الشهيرة ,علاوة على أنه شارك وهو شاب صغير في إعداد برنامج حزب الوفد , واللائحة التنظيمية لحزب الأحرار , وشارك في ندوات حزب التجمع والوفد والاحرار , كما تولى إدارة حملة والده الانتخابيه الكاملة بكافة وجوهها لانتخابات مجلس الشعب 1984 , وعام 1987, وأثبت فيها كفاءة عالية , كما حرص على مدار عشرين عاما على التواجد في الولايات المتحدة في زيارة لعدة أسابيع أثناء جميع الانتخابات الرئاسية الامريكية لمتابعة تفاصيلها عن قرب, كما أنه ظل يحاضر أسبوعيا لمدة 14 سنة عبر سلاسل بحثية عميقة في موضوعات فكرية ودينية ثقافية وتربوية . حتى اوقفت بالقوة الحكومة نشاطه

.
كما حاضر حازم صلاح أبو إسماعيل في العديد من البلاد العربية والغربية , وكان دائم الزيارة للمدارس في كل بلد يزورها , كما قدم العديد من اللقائات التلفزيونية في متابعة وتحليل الأحداث الجارية أو في الفكر الإسلامي.



عايزين رئيس عادل يحترم القانون. ويعزز قيم المواطنة , ومايفرقش بين أبناء الشعب الواحد , أقلية أو أغلبية ,رئيس يؤمن بدولة العدل والقانون.
حازم صلاح أبو إسماعيل تولى منصب مقرر الفكر القانوني في نقابة المحامين , وهوعضو المجلس الأعلى لنقاية المحامين , علاوة على أنه محامي بالنقض , وخبير في القانون الدولي, وله العديد من الأبحاث القانونية والدستورية التي تاكد مهارته القانونية.



عايزين رئيس يخاف ربنا في الشعب المصري العظيم, رئيس عنده مراقبة ذاتيه غير الاجهزة الرقابية , رئيس يكون أمين ووطني ونظيف اليد, رئيس مايكنش حرامي ومايخترش الحرامية, رئيس من الشعب وحاسس بالشعب , حازم صلاح أبو إسماعيل علاوة على أنه سياسي محنك , هو كمان داعية إسلامي معروف , قريب من الناس وعايش مشاكلهم اليومية, ووشارك في العديد من المجالس العرفية والإصلاح بين الناس, وله أيضا العديد من البرامج التلفزيونية التي أذيعت على قناة الناس, كما أنه تربي في بيت التزام وتدين, فأبوه أحد كبار شيوخ الأزهر الشريف , وهو البرلماني المعارض الشهير صلاح أبو إسماعيل , الذي ظل 4 دورات متتالية عضوا لمجلس الشعب , وهو النائب المعارض الوحيد الذي أفلت من التزوير بسبب شعبيته الجارفة , وأمه حاصلة على الدكتوراه
والماجستير في علوم التفسير.



عايزين رئيس يحافظ على هوية الشعب , ويحترم شريعة الأغليية , رئيس مايعاديش الصالحين والمتدينين , رئيس مايرجّعش أمن الدولة تقف حاجز قدام الناس وقدام اختياراتهم وحريتهم.


حازم صلاح أبو إسماعيل هو عالم بالشريعة, وسبق أن شارك ضمن أفراد السركتارية الرسمية لمجلس الشعب - متطوعا - للجان إعداد ( مشروعات تقنين الشريعة الإسلامية على نحو متلائم مع نظام المواد في القوانين الحديثة ).
حازم صلاح أبو إسماعيل تربي على إيد والده البرلماني المعارض صلاح أبو إسماعيل , أحد أكابر حركة الإخوان المسلمين , والذي كانت رسالة حياته هي تطبيق الشريعة الإسلامية.


حازم صلاح أبو إسماعيل قدم العديد من المناظرات الفكرية مع مشاهير الشخصيات مثل الدكتور رفعت المحجوب , الدكتور فرج فودة , والدكتور رفعت السعيد , والأستاذ ثروت أباظة و وغيرهم حول موضوعات في الفكر الإسلامي في المجالات السياسية والاقتصادية والاجتماعية والقانونية .

,
حازم صلاح أبو إسماعيل هو القادر على قيادة الأمة العربية, والوحيد الذي ستقدره كل الشعوب الإسلامية.


أخيرا ::

ما يدحكوش عليك: ويقولولك الراجل ده شيخ .. انتوا عايزين شيخ يحكمنا ؟! , حازم صلاح أبو إسماعيل فعلا شيخ وداعية ودي حاجة تشرفه , علاوة على أنه قانوني وسياسي واقتصادي محنك , فكونه شيخ ده معناه أنه كان بيمارس الإصلاح للأفراد عن طريق الدعوة , والنهاردة بيقدم برنامج فيه إصلاح للدولة والمجتمع عن طريق الترشح للانتخابات.

مايدحكوش عليك :ويقولولك ده ماكانش وزير ولا محافظ .. لو كان حازم صلاح أبو إسماعيل وزير أو محافظ في العهد اللي فات , فمكانه الطبيعي دلوقتي هو السجن,مش رئاسة الجمهورية .
مايدحكوش عليك : ويقولولك السياسة لعبة قذرة وماينفعش يدخلها الصالحين , نقولهم لأ , السياسة لعبة قذرة لما بيشتغل فيها القذرون , ومصلحة عظيمة وفن غالي لما بيشتغل فيها الصالحين والماهرين والاكفاء.
افتكر إن اختياراتنا النهاردة , هي هاتكون اختيارات اخواننا في ليبيا وسوريا واليمن وتونس وكل البلاد العربية .
لو اختارنا صح .. هايختاروا صح , واللي احنا هانعمله .. هما هايعملوه , علشان كده أنا قررت أتطوع في حملة الدكتور حازم صلاح أبو إسماعيل.
شارك معنا في صنع التاريخ

منافسونا لا يمزحون .. ولا نحن أيضا