Pages

الأحد، 20 مارس، 2011

... NSGB جميع الاسئلة والاستفسارات لبنك

السلام عليكم ورحمة الله وبركاته


حرد على اكتر سؤال اتسأل قبل كدة ودايما الاجابة لم تكن واضحة او مؤكده او صريحة
هذا السؤال هو ( هل ممكن تحويل الاموال من فيزا الانترنت بالبنك الى الحساب حتى تستطيع سحب الاموال من الحساب او من اى ماكينة ATM ؟

نعم تستطيع ذلك بكل تاكيد , وانا شخصيا لسة محول امبارح 2300 جنيه مصرى من فيزا الانترنت على حسابى وهما دلوقتى فى جيبى , وطبعا الفلوس دى كانت عن طريق الاليرت باى لفيزا الانترنت , عملية التحويل من الاليرت باى الى فيزا الانترنت تمت فى اربع ايام بالظبط , واتصلت بالبنك عشان اعرف وصلو ولا لا , ردوا عليا وقالو وصلوا يا فندم , روحت البنك تانى يوم الصبح وعملت عملية تحويل من فيزا الانترنت الى الحساب بتاعى ومش حتفرق لو كان حساب جارى او حساب توفير او عرض الشباب المهم يكون عندك الحساب بتاعك فى البنك وخلاص , المهم مكنش فيه اى جدال بخصوص اذا كان ينفع عملية التحويل من فيزا الانترنت الى حسابى كى استطيع السحب منه اطلاقا , فهناك قد كتب ورقة وقالى عاوز تحول اد ايه , قولتله كل المبلغ اللى فى فيزا الانترنت قاللى اوكى امضى هنا وجابو صحة التوقيع , وقاللى كمان 3 ساعات حيكونوا فى حسابك وتقدر تسحبهم فى اى وقت , وبالفعل زى ما الراجل قال حصل فعلا ولقيت فى حسابى النهاردة انه تم عملية التحويل بالفعل وسحبت الفلوس بالمكنة وخلص الموضوع .


طبعا انا عملت الموضوع ده خصيصا لاى حد كان بيشك او بيقول مينفعش انك تسحب اموال من فيزا الانترنت الى حسابك فى البنك الاهلى سوسيتيه جنرال , وناس تقول انا سألت وانا اتأكدت وانا وانا وانا , وكل الكلام ده مفيهوش اى صحة من اساسه , انا حبيت اقولكم تجربتى العملية شخصيا عشان تبقوا متأكدين مية فى المية


يارب كل الناس تستفيد من الموضوع ده , واى حد عنده استفسار بخصوص هذا البنك , يسأل وانا ان شاء الله حجاوب لما ابقى هنا , وشكرا وبالتوفيق الى الجميع
.


0 comments:

أخي الحبيب اعلم أن رأيك يهمنا , فإن كان نقداً فسيجعلنا نصلح من أنفسنا , وإن كان مدحاً فهو وسام على صدورنا , رجاء تجنب استعمال التعليقات لبث روابط إعلانية. كذلك ننبه إلى ضرورة الالتزام بصلب الموضوع و عدم الخروج عليه و لمزيد من التوضيحات يمكنك أخي الزائر قراءة سياسة الاستخدام الخاصة بالمدونة , وتذكر قول الله عز وجل (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

إرسال تعليق