الكريدت كارد وربطها على اليرت باي

انا هشرح ليكوا ازاى تضيفوا الكروت على بنك اليرت باي
وده عالشان حاجاتين
عالشان محدش يفتح الموضوع ده تااني
وعالشان من حق اي واحد يسحب فلوسه بطريقة مش غالية

اولان انا هشرح شركات الكروت وانواعها بالتفصيل قبل الأضافة

الشركات المصدر الكروت بأسمها
الفـيــزا

الماستر

فيزا وماستر من اشهر الشركات الى بتصدر بأسمها الكروت وهما الأتنين منظمتين اكتر من انهم شركاات عالميتين طبعا في غير طبعا زي داينر كلب Diner's Clup و امريكان اكسبريس AMEX

وعن طريقهم بينظموا التعامل عن طريقها في العالم كله وحطيين قواعد واسس فى الأصدار والتعامل بس دول اشهر المنظمات فى مصر والوطن العربي


انواع الكروت الى بتصدر بقى عالشان دي نقطة مهمة وهما 3 انواع


الكريدت كارد Credit Card ( البطاقات الأئتمانية)


ودي كروت بتطلع ليك بدون شرط انه يكون ليك رصيد فى البنك بتطلع بضماان انك مرتبك مثلان بيتحول على البنك فيروح البنك مديلك كارت 3 اضعاف مرتبك وكل ما تستخدم الكارت وتسحبه منه تروح خلال فترة ما بين 25 و55 يوم تسدد المبلغ الى انت استخدمته او جزء منه على حسب ما البنك ما محدد الحد الأدني وساعات بيطلع بضمان او غير ضمان
ضمان زي ما قلتلك مرتبك بيتحول على البنك او ليك رصيد فى البنك مثلان فيروح المبلغ مديلك كارت بمبلغ معين على حسب ما انت عايز ويروح مجمد جزء من رصيدك يغطى حد الكارت يعني مثلان لو حد الكارت الى انت عايزه 1000 جنيه لازم يكون ليك رصيد 1150 جنيه تقريبا ويتجمد عند البنك فى حسابك ويجيبلك ارباح عاادي وكل حاجة بس الفكرة انك متقدرش تسحبه لأن البنك بيكون مديلك كارت رصيده الف جنيه فلازم يضمن فلوسه او يكون ليك شهادات اسثمارية بقيمة تغطي برده حد الكارت وبرده بنفس الطريقة
معمظم البنوك فى مصر بتوقف الكريدت كارد من انه يشتغل اون لاين كأنك تستري بيه من على النت ..لكن ممكت سحب فلوسك من على الألريت باي عليه وهتوصلك وتقف قداام الات السحب وتااخد فلوسك عاادي جداً
بس كروت الأئتمان دي مخصصة لشراء اصلان فبتاخد على المبالغ المسحوبة عموةل بتوصل ل 1.5 % من المبلغ المسحوب ..لكن لو هتشتري بيها وهتسسد فى ميعادك مفيش مشكلة ...وفى معلوماات تانية للي عايز يتفضل يسال وانا ممكن اجاوب عليه بشكل خاص بس عالشان منتطولش فى الموضوع ده.

النوع التاني كروت مسبقة الدفع او Prepaid Cards:

- كروت هداية تعمل كارت منك لحد تديه هدية وتحط فيه مبلغ يسحبه من على المكنة او يشتري بيه من المحلات
- كروت ليك شخصية تحط فيها فلوس وتشتري انت بيها من المحلات والات السحب
- كروت للأنترنت تشحنها بمبلغ وتشتري بيه بس من على النت لكن غير مخصصة للسحب من الات السحب.
الكروت دي بتكون صلاحيتها قليلة غالبا سنة وليها اكتر من استخدام منها
لكن الكروت دي فى معظم البنوك مينفعش تااخد الفلوس منها الا لما تلغيها وفترة الألغاء بتاخد ما بين 30 و 45 يوم ..لكن فى بنك زي البنك الأهلي سوستيه عامل ميزة انه بيسمح للتحويل بين الكروت دي عن طريق النت او التليفون والميزة دي بتخليك انك ممكن تطلع كاريتن مسبقيين الدفع واحد شخصي للسحب من الات السحب والشراء والتاني كارت مسبق الدفع للتحويل عليه من اليرتباي وبعد كده تحول بين الكارتين وتسحب فلوس من على الت السحب .

النوع التالت : هي كروت الخصم الفوري او الكروت المدينة Debit Cards:

ودي كروت مش بتطلع غير لما يكون ليك حساب فى البنك وبتطلع مربوطة على حسابك وبتشتغل فى المشتريات والسحب النقدي ..اما على الأنترنت نت فا الميزة دي مش بتتوافر فى كل البنوك وبتبقى بالطلب لأن الحسابات ممكن يكون فيها مبالغ كبيرة وبيخافوا من انهم يفعلوها عليها ..وبتبقى على مسئولية العميل زي مثلان بنك بى ان بى باريبا.


يبقى دلوقتى الخلاصة
الى عايز يتعامل بالكروت هيكون كالأتي
- لأما يكون عنده كارت ائتمان او كريدت كارد يسحب عليه الفلوس عالشان يعرف ياخدها فى ايده ولو هيشتري اي حااجة يطلع كارت نت مسببق الدفع ويربط الأتنين على الأليرت باي عالشان فى حالة السحب او انه بيكون يشتري حاجة فى اي موقع.
- لأما يعمل كارتين من بتوع سوسيته ويجرب.
- واحتمال يكون في طريقة تانية بس لما اجربها الأول واقولكوا عليها.

فى حاجة اخيرة لازم اقولكوا عليها قبل ما تطلع اي كارت من اللى فوق دول لو ناوي تستخدمهم اون لاين
الأسم بتاعك لازم فى الطلب تخليه زي ما انت كاتبه فى البنك الألكتروني او على الأقل الأسم الأخير بتاعك يكون اسمك فى الأيرت باي ..يعني اييه
لو انت اسمك عمرو دياب محمد فؤاد....يعني اسم العيلة بتاع الأخير لو كنت كاتبه محمد فى اليرت باي يبقى على الكارت خلي محمد تكون اخر الأسم ولو كنت كاتبه فؤاد يبقى خليه فؤاد ..ولازم يكون نفس الحروف بالظبط عالشان الكارت يمشي معاك وميتعبكش ..لو كنت عملت الكارت وخلاص اتورط ابقى اكتب بقى المشكلة ايه وانا احاول احلها معاك



دلوقتى ازاى تربط الكارد على البنك

هندخل على الصفحة الأكونت بتاعك ونضغط زي الصورة على Add Credit Card

This image has been resized. Click this bar to view the image in full size.

وهنتبدي ندخل البيانات الكارد بتاعنا زي الصورة كده ونخلي بالنا من موضوع الأسم الله يرضى عليكوا عالشان نخلص ها....واللى الأسم الأخير اللى على الكارت عنده غير الأسم الأخير الى هيظهر ليه يحط ألاسم اللى على الكارت كله زي ما هو مكتوب بالظبط بنفس الحروف حتى لو فيه غلطة البنك عاملها يكتبها زي ما هي ويكمل بقيت البيانات

This image has been resized. Click this bar to view the image in full size.

بعد كده هتطلعلك الصورة زي كده وفيها بياناتك اول ما هتضغط على Send



(ملحوظة للأستاذ هيثم الصصورة دي لسه حالا متششف ان ملهاش بديل بعد ما عمل بوست وللأسف مش عارف اغيرها دلوقتى بس انا هضيف كارت تاني وهبدلها فى اقرب فرصة اذا مكانش ينفع اتفضل حضرتك شيلها وانا هبقى ابدلها نحياتي)



هتروح طالعلك الصورة كده ويقولك اننا كده هنبعتلك كود للتفعيل والتحقق

This image has been resized. Click this bar to view the image in full size.

وهيروح الموقع خلال فترة ما بين 2 و 3 ايام عمل عامل حركة ايداع فى الكارت ب واحد سنت يعني حوالى 6 قروش وهيكون فى بيانات الحركة
هتيجب بيانات الحركة منين هقولك ..المفروض انها هتطلع فى كشف الحستب الشهري بتاع الكارد بس انت مش هتستنى الشهري او كشف الحساب هتتصل بمركز خدمة عملاء البنك بتاعك وقلهم (طبعا بعد ما فترة التلات تيام ما عدتةيستحن تستنى اربع او خمس تيام) وتسالهم فى عن اخر حركة تمت على الكارت لو طلبوا تفاصيل قلهم فى حركة ب ست قروش تمت على الكارت وانك عايز تعرف بياناتها لو طلبو تفصيل اكتر قلهم ان فى بينات الحركةالشكل الى جاي AlertPay*…….
قلهم اليرت باي ونجمة وشوية ارقام..وقلهم انك عايز بقى شوية الأرقام

وضحة كده؟؟؟
وده شكل الكود اللى بيوصل عالشان لو حبيتوا توضوحوا لمسئول خدمة العملاء اكتر
فتكونوا شوفتوه ابعنيكوا

This image has been resized. Click this bar to view the image in full size.

هتااخد شوية الأرقام وتكتبها فى ورقة وتروح تدخل على كلمة Add Credit Card الى دخلنا عليها قبل كده فى اول مرة وهتلاقي شكل الكارت بتاعك زي الصورة اضغط على Submit Code

This image has been resized. Click this bar to view the image in full size.

وهتطلعلك الصورة كده هتروح كاتب الكود زي الصورة وتضفط Submit

This image has been resized. Click this bar to view the image in full size.

هيطلعلك رسالة يقولك مبروك الكارت اتنشط وهتلاقي شكل الكارت بتاعك بعد كده زي الصورة دي كده

This image has been resized. Click this bar to view the image in full size.

كده الف مبروك عليك ..لو الكارت الى انت ضيفته كارت اونىين او نت بس هتقدر تشتري اي حاجة عن طريق اليرت باي او تاجر ناس او تعمل عضويات وبراحتك لو كارت كريدت تقدر تستقبل فلوس وبرده سكتك خضرا

لو فى اى اسئلة هكون ممنون انى اجاوب عليها

أخوكم احمد عوض